"Krasnodar"ın müdafiəçisi Andreas Qranqvist komandanın Avropa Liqasının C qrupundakı rəqiblərini dəyərləndirib.

Mediatv.az goal.az-a istinadən xəbər verir ki, isveçli futbolçu bu qrupda yer alan təmsilçimiz "Qəbələ" haqqında məlumatlı olmadığını bildirib.

"Düşünürəm ki, yaxşı qrupa düşmüşük. Əlbəttə, Almaniya nəhənglərindən olan "Borussia"ya qarşı oynamaq əla olacaq. Bu komandanın möhtəşəm azarkeşləri var və ev oyunları zamanı stadion tam dolu olur. PAOK da güclü klubdur. Yunanıstan təmsilçisinin də gözəl azarkeş kütləsi var. Doğrusu, Azərbaycan klubu haqqında deyəcək sözüm yoxdur. Onları, demək olar ki, tanımıram. İstənilən halda, qrupda mübarizə çətin olacaq. Hesab edirəm ki, Avropa Liqasında pley-off mərhələsinə çıxmaq imkanlarımız böyükdür".