Lerik rayonunda ağır-qətl hadisəsi baş verib. 

“Mediatv.az” ans press-ə istinadən xəbər verir ki, Lerikdə doğulan, hazırda Sumqayıtda yaşayan 33 yaşlı Sürətov Cəmaləddin Cəbrayıl oğlu 25 yaşlı həyat yoldaşı Məhsəti Bağır qızı Sürətovanı və qaynanası, 54 yaşlı Əliyeva Leyla Rəcəb qızını ov tüvəngindən açdığı atəşlə öldürüb. Onlar hadisə yerindəcə keçinib.

Həyat yoldaşı və qaynasını öldürən Cəmaləddin Sürətov bundan sonra atasının doğulduğu Peyzəküjə kəndinə gedərək evlərində həmin ov tüvəngi ilə özünə atəş açıb. O, hadisə yerindəcə keçinib. 

Hadisənin ailə-məişət zəminində baş verdiyi bildirilir. Belə ki, Məhsəti Sürətovanın bir neçə gün əvvəl əri ilə dalaşdığı, ata evinə getdiyi deyilir. Cəmaləddin Sürətov onların evinə gələrək həyat yoldaşını evinə qaytarmaq istəməsi ehtimal olunur ki, bu zaman da onlar arasında mübahisə yaranıb. Və sonluq belə bir faciə ilə nəticələnib.

Cütlüyün iki azyaşlı uşağının da olduğu yayılan məlumatlar sırasındadır.