Gəncədə yaşayış binasında yanğın olub.
Fövqəladə Hallar Nazirliyinin yaydığı məlumata görə, hadisə şəhərin Nizami rayonunda baş verib.
Beşmərtəbəli yaşayış binasının zirzəmisində 6 m² sahədə məişət tullantıları yanıb. Yanğın zamanı altı nəfər bina sakini yanğınsöndürənlər tərəfindən təhlükəsiz əraziyə təxliyə olunub. Mənzillər yanğından mühafizə olunub.
Yanğın yanğından mühafizə bölmələri tərəfindən söndürülüb.