Bu xəstəlik kənd təsərrüfatı heyvanların xəstələnməsi ilə bağlıdır. Insanlar bu xəstəliyə həmin heyvanlarla təmas və onların ətindən,südündən qidalanma zamanı yoluxur.

 

Bunu Publika.az-a açıqlmasında Səhiyyə Nazirliyi yanında Respublika Taun Əleyhinə Stansiyanın şöbə müdiri Rita İsmayılova deyib.

 

Onun sözlərinə görə, insanlar xəstə heyvanların ətini yaxşı bişirmədən, əsasən də kustar üsulla hazırlanmış pendir yedikdə yoluxurlar.

 

“Bruselyoza yoluxma daha çox Aran rayonlarında qeydə alınıb. Bu bölgələrdə heyvanlar arasında xəstəlik çox olduğuna görə, həmin rayonlarda bruselyoza yoluxma halı daha çox qeydə alınır”.

 

R.İsmayılova onu da vurğulayıb ki, qaynadılmamış və pasterizə edilməmiş südün, belə süddən hazırlanmış qida məhsullarının istifadəsindən çəkinmək lazımdır.

 

Heyvan sahibləri, sallaqxana işçiləri, qəssablar, çobanlar, sağıcılar, heyvanlarla və heyvan cəsədləri ilə təmasda olanlar şəxsi gigiyena qaydalarına riayət etməlidirlər. Əlcəklərin taxılması və əllərin yuyulması, heyvanlarla təmasdan sonra üst paltarlarının dəyişilməsi vacibdir.