Akif Çovdarov prosesə xərəkdə gətirilib.

Mediatv.az bildirir ki, o, məhkəmədə də həkim nazərəti altındadır. Sabiq MTN generalı prosesdə xərəkdə uzanıqlı vəziyyətdə iştirak edir.

İclasda vəkillər bir neçə vəsatət veriblər. Hazırda hakimlər vəsatətlərlə bağlı müşavirədədirlər.

*   *   *11:47

Bu gün Sabunçu Rayon Məhkəməsinin binasında ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarov və onunla birlikdə həbs edilən 4 MTN əməkdaşının növbəti məhkəmə prosesi başlayıb və dərhal da fasilə elan olunub.

Virtualaz.org-un proses iştirakçılarına istinadən verdiyi xəbərə görə, buna səbəb konvoy rəisinin verdiyi açıqlama olub. Rəis bildirib ki, Akif Çovdarovun səhhəti qəfil pisləşib və o hazırda həkimlərin ciddi nəzarəti altındadır. Onun məhkəməyə gəlib-gəlməyəcəyi həkimlərin qərarından sonra məlum olacaq. Bunun üçün isə müəyyən vaxt lazımdır.

Məhkəmə bunu nəzərə alıb və prosesdə saat 12.30-a qədər fasilə elan edib.