Bakının Əmircan qəsəbəsində univermaq binasının damının çökməsi nəticəsində xəsarət alan şəxslər 3 saylı Şəhər Klinik Xəstəxanasına yerləşdiriliblər.

Mediatv.az xəbər verir ki, xəsarət alanlar 38 yaşlı Elşad Eyvaz oğlu Abdullayev və 35 yaşlı Bəhruz Hacıəli oğlu Məmmədovdur. Yaralıların xəsarətinin yüngül olduğu bildirilir.

*   *   *15:53

Bakıda univermaq çöküb. Hadisə Suraxanı rayonu ərazində yerləşən köhnə univermaqda baş verib.

Belə ki, yağan qar nəticəsində univermağın dam örtüyü ağırlığa tab gətirməyib çöküb.

Hadisə nəticəsində 3 nəfərin dağıntılar altında qaldığı bildirilir.

Hadisə yerinə Təcili Tibbi Yardım və Fövqəladə Hallar Nazirliyinin xilasediciləri cəlb edilib. Xəsarət alanlar xəstəxanalara aparılıb.