Bakıda yol qəzası qeydə alınıb.

APA-nın məlumatına görə, yol qəzası Sabunçu rayonunda Balaxanı qəsəbəsində baş verib. 
 
Bakı şəhər sakini, 1971-ci il təvəllüdlü Mehman Vaqif oğlu Əliyarovun idarə etdiyi "İsuzi" markalı, 216 saylı xətt üzrə hərəkət edən sərnişin avtobusu ilə Göyçay rayon sakini, 1987-ci il təvəllüdlü Cahangir Bayram oğlu Cahangirovun idarə etdiyi "Volkswagen" markalı minik avtomobili toqquşub.
 
Qəza nəticəsində M. Əliyarovun sərnişinləri, Bakı şəhər sakinləri - 1957-ci il təvəllüdlü Elmira Məcid qızı Məmmədova, 1964-cü il təvəllüdlü Gülkərəm Əliəşrəf qızı Murtuzayeva 3 saylı Şəhər Klinik Xəstəxanasına, C. Cahangirov və sərnişinləri - arvadı, 1987-ci il təvəllüdlü Ülviyyə Vaqif qızı və övladı 2015-ci il təvəllüdlü Zeynəb Neyrocərrahiyyə xəstəxanasına yerləşdiriliblər.
 
Faktla bağlı araşdırma aparılır. 

 Mediatv.az