Şəkinin Bolludərə kəndi ərazisində baş verən yanğın 16:24-də söndürülüb.

Günorta saatlarında biçilmiş taxıl sahələrində baş qaldıran yanğın qısa vaxt ərzində genişlənib və təxminən 10 hektar ərazini əhatə edib.

Mediatv.az Kanal S-ə (Region TV) istinadən xəbər verir ki, güclü külək və burulğan alovla mübarizədə çətinlik yaradıb. Alovu söndürmək üçün əraziyə Şəki və Oğuzdan yanğınsöndürən texnika cəlb olunub.

Əvvəlcə alov söndürülsə də, çəkiliş apardığımız zaman ərazidən keçən burulğan alovun yenidən başlamasına səbəb olmuşdu. Həmin kadrlar isə kameramızdan yayınmayıb. Hazırda yanğın tam olaraq söndürülüb və yaxınlıqda yerləşən fermaya keçməsinin qarşısı alınıb.