Kəpəz TV (Region TV) xəbər verir ki, bu gecə Gəncə şəhər TTYX-nın Travmatologiya şöbəsinə çoxlu xəsarətlər almış bir nəfər gətirilib. 

Həkimlərin müayinəsindən sonra Gədəbəy rayonu, Xaçılar kənd sakini, 45 yaşlı İlyas Nəsibova təpə nahiyəsinin çapılması, sağ qabırğanın sınığı, aşağı ətrafların əziyi diaqnozu qoyulub. Zərərçəkənə yardım göstərilib və onun həyatı üçün təhlükə aradan qaldırılıb. 

Yaxınları İlyas Nəsibovun qayadan yıxıldığını bildirisələr də, xəsarətlərin xarakteri onun döyülməsi və ya avtomobil qəzasına düşməsi ehtimalından xəbər verir. Zərərçəkən Gədəbəy Mədəniyyət Evinin direktor müavini vəzifəsində çalışır. 
Faktla bağlı Gədəbəy rayon Polis Şöbəsində araşdırma aparılır.