Hazırda polis iştirakçıların saxlanılması istiqamətində zəruri tədbirlər həayata keçirir. 

Hadisə Gədəbəy rayonunun Dəyirmandağ kəndi ərazisində qeydə alınıb. Qanlı münaqişə zamanı Düzyurd kənd sakini, 23 yaşlı Elşən Alıyev ağır bədən xəsarətləri alıb. Yaralı dərhal yaxınlarının köməkliyi ilə Gəncə Şəhər Təcili Tibbi Yardım Xəstəxanasına gətirilib. 

Mehman Hüseynov, həkim: "Xəstənin bizim şöbəyə gətirilərkən bədəninin müxtəlif nahiyələrində xəsarətlər vardı. İlkin tibbi yardım göstərilib. Hazırda müayinə və müalicələr davam etdirilir. Səhhətindən asılı olaraq sonrakı müalicə üçün reanimasiya şöbəsinə köçürülməsi planlaşdırılır". 

Zərərçəkənin atası Valeh Alıyevin sözlərinə görə, oğlu həmyerliləri Tural Allahverdiyev, Vüqar Abdullayev və Ruslan adlı şəxs tərəfindən döyülüb. Bunun üçün dostlar əvvəlcədən plan qurublar. Məqsədləri isə onu öldürmək ölüb.  

Valeh Alıyev: "Oğlumu Tural Allahverdiyev, Vüqar Abdullayev və Ruslan adlı şəxs gəlib maşınla evdən aparıblar. Dəyirmandağı kəndində ölümcül döyüblər. Sonra isə gətirib evimizin 20 metrliyinə atıb gediblər. Planları ancaq öldürmək olub".

Faktla bağlı araşdırma aparılır. Hazırda Gədəbəy polisi kütləvi davanın iştirakçılarının müəyən edilib saxlanılması istiqamətində əməliyyat-axtarış tədbirlərini davam etdirir. (kəpəz tv)