Avqustun 22-də Rusiyanın Saratov şəhərində Azərbaycan vətəndaşı olan qadın məktəbli formasını oğurlamağa cəhd edib. 

Bu barədə azvision.az Rusiya KİV-nə istinadən xəbər verir. 

İlkin məlumatlara əsasən saat 15:30 radələrində Kirov prospektində yerləşən `Uşaq dünyası` mağazasına 48 yaşlı qadın daxil olub. 

O, dəyəri 3,3 min rubl (50 AZN) olan məktəbli formasını oğurlamaq istəyib. Lakin onun bu əməli baş tutmayıb, o saxlanılıb. 

Məlumata əsasən şübhəli şəxs 2010-cu ildən miqrasiya kartı əsasında Saratovda yaşayır. Azərbaycanlı qadına qarşı oğurluğa cəhd maddəsi ilə cinayət işi açılıb.