Bakıda xuliqanlıq hadisəsi baş verib. 

Mediatv.az-ın məlumatına görə, polisə müraciət edən Sumqayıt sakini, 1970-ci il təvəllüdlüAllahverənov Mahir Hüseyn oğlu onun idarə etdiyi yük avtomobilinə naməlum şəxs və ya şəxslər tərəfindən zərər vurulduğunu bildirib. Şikayətçi qeyd edib ki, bu günlərdə Badamdar qəsəbəsi, A.Abbaszadə küçəsində idarə etdiyi və "Azərsu"ya məxsus olan "KamAZ" markalı yük maşınını saxlayıb. Bir qədər sonra geri qayıtdıqda o, avtomobilin yan şüşəsinin sındırıldığının, təkərlərin isə deşildiyini görüb.
  
Müraciət əsasında araşdırmalar aparılır.