Qəzanın hansı baş verməsi ekspertizanın rəyindən sonra məlum olacaq

Dünən saat 22:00 radələrində Quba rayonunda ağır yol nəqliyyat hadisəsi baş verib.

Quba-Qonaqkənd yolunun 1-ci kilometrliyində iki avtomobilin toqquşması nəticəsində 3 nəfər xəsarət alıb. 

Quba Rayon Polis Şöbəsinin müstəntiqi İlkin Kərimovun ANS PRESS-ə verdiyi məlumata görə, rayonun Gültəpə kənd sakini 1974-cü il təvəllüdlü Elçin Sultanov idarə etdiyi VAZ 2109 markalı avtomobillə Nügədi istiqamətində hərəkət edərkən əks tərəfdən gələn Laçın rayon sakini 1985-ci il təvəllüdlü Elçin Sovet oğlu Cavadovun idarə etdiyi Tofaş markalı avtomobillə toqquşub. 

Nəticədə hər iki sürücü və Tofaşda olan sərnişin 1980-ci il təvəllüdlü Beyləqanın Bahar kənd sakini Vüsal Rüstəmov müxtəlif bədən xəsarətləri ilə Quba Rayon Mərkəzi xəstəxanasının reanimasiya və cərrahiyyə şöbələrinə yerləşdirilib.

Qəzanın hansı baş verməsi ekspertizanın rəyindən sonra məlum olacaq.