Avqustun 13-də gecə saatlarında Astara rayonunun Sipyəpard kənd sakini, 1973-cü il təvəllüdlü Aydın Bəhmən oğlu Sadıqov müxtəlif dərəcəli bədən xəsarətləri ilə Lənkəran Mərkəzi Rayon Xəstəxanasına (MRX) gətirilib. 

Xəstənin yaxınlarının APA-ya verdikləri məlumata görə, 3 uşaq atası olan Aydın ehtiyatsızlıq səbəbindən dağdan yıxılaraq dərəyə yuvarlanıb. Nəticədə onun bədəninin müxtəlif nahiyələri əzilib. MRX-nin travmatologiya şöbəsinə yerləşdirilmiş xəstəyə lazımi tibbi yardım göstərilib.

Hazırda onun vəziyyəti orta-ağır qiymətləndirilir.