2014-cü il ərzində “Bakı Metropoliteni” ASC-nin xalis zərəri 27 mln. 554 min 813,08 manat təşkil edib, bu isə 2013-cü ilin göstəricisindən 11,9% azdır.
Bu məlumatlar cümı günü rəsmi mətbuatda dərc edilmiş “Bakı Metropoliteni”nin 2014-cü il üzrə birləşdirlimiş maliyyə hesabatında qeyd edilir.
Maliyyə hesabatına əsasən, 2014-cü ildə metropolitenin sərnişindaşımadan gəlirləri 42 mln. 264,284 min manat (artım 10,4%), büdcədən maliyyə yardımı 36 mln. 26,105 min manat (artım 17,2%) təşkil edib.
2014-cü ildə “Bakı Metropoliteni”nin aktivləri 29,6% – 2 mlrd. 10 mln. 614 min 33,95 manatadək artıb. Ötən il cəmiyyətin uzunmüddətli aktivləri 25,8% – 1 mlrd. 917 mln. 813 min 339,5 manatadək, qısamüddətli aktivləri 3,5 dəfə – 92 mln. 800 min 694,45 manatadək artıb.
2014-cü ildə QSC-nin kapitalı 18,8% – 1 mlrd. 796 mln. 920 min 217,32 manatadək artıb. Bununla yanaşı, cəmiyyətin nizamnamə kapitalı 1 mlrd. 999 mln. 764 min 851,98 manata (artım 13,1%) bərabərdir.
Ötən il cəmiyyətin öhdəlikləri 5,5 dəfə – 213 mln. 693 min 816,63 manatadək artıb.
Bakı Metropoliteni 1967-ci ildən fəaliyyət göstərir. 2010-cu ildə Bakı metrosunun mərhələli inkişafına dair 20 illik Dövlət Proqramı təsdiq edilib. Proqramda 2030-cu ilə qədər 53 yeni stansiyanın və 84,3 km uzunluğunda yeni xətlərin tikintisi nəzərdə tutulub. Ümumilikdə 2028-ci ilə qədər 1100 metro vaqonunun dəyişdirilməsi planlaşdırılır. /İterfaks-Azərbaycan