Musavat.com Türkiyə mediasına istinadla xəbər verir ki, Səlahəddin Şişaninin avtomobilinə qoyulan bomba qurğusu axşam saatlarında partlayarkən, həmin vaxt maşında olmayan Şişani hücumdan yara almadan xilas olub.

Hücumda qafqazlı bir başqa döyüşçünün həyatını itirdiyi bildirilir, ancaq bombanı maşına kimin və necə yerləşdirdiyi bilinmir.

Ötən həftə Qafqazdan olan döyüşçülərdən bir qismi "Qafqaz əmirliyi" adlı təşkilatdan ayrıldıqlarını açıqlayaraq Kebekovun tabeliyində olmaqdan imtina etmiş, İŞİD-ə bağlılıqlarını elan etmişdilər. "Qafqaz əmirliyi" təşkilatının Dağıstandakı təşklatının az qala hamısı bu elandan sonra İŞİD-in bir hissəsinə çevrilmişdi. Hücumun bu ayrılıqla bir əlaqəsi olub- olmadığı bilinmir.