Bunu "Mediatv.az"-a açıqlamasında Milli Məclisin Qubadan seçilən deputatı Vahid Əhmədov bildirib. 

Məzarlığın məhv olacağı haqda deyilənlərə münasibət bildirən deputat qeyd edib ki, orada görülən işlər Heydər Əliyev Fondunun nəzarətindədir.

“Havalarla əlaqədar olaraq Quba soyqırımı məzarlığında aparılan tikinti işləri dayandırılıb. Orada görüləcək işlərə hökumət tərəfindən vəsait də ayrılıb. Bütün işlərə Heydər Əliyev Fondu nəzarət edir. Soyqırım memorial kompleks tikilib və təhvil verilib. Məzarlıqla bağlı layihəni prezident bəyənib. Yəqin ki, 2015-ci ildə məzarlıqda aparılan tikinti işləri başa çatacaq və ora təhvil veriləcək”.

Qeyd edək ki, AMEA Arxeologiya və Etnoqrafiya İnstitutunun Quba Soyqrımı Ekspedisiyasının keçmiş rəhbəri Qəhrəman Ağayev bildirib ki, Quba Soyqrımı Məzarlığında məhv olmaq təhlükəsindədir.