Daşkəsən rayonunun bir qrup sakinindən Bizimxəbər.az-a müraciət daxil olub. Sakinlər müraciətlərində rayonda baş verən qanunsuzluqlar barədə ətraflı məlumat verərək problemlərin həlli üçün kömək istəyiblər.

Müraciətdə bildirilir ki, artıq iki ildir ki, istilikxana idarəsində müdir işləyən Pənah Əhmədov rayonda 4 istilikxananı dağıdaraq dövlət əmlakını talayıb. O, rayon mərkəzindəki S.Vurğun adına məktəbin yanında , Nizami küçəsində, A.Abdullayev kücəsində yerləşən istilikxanaları dağıdaraq yüz tonlarla dəmiri sataraq pulunu mənimsəməkdə günahlandırılır.
Müraciətdə bildirilir ki, P.Əhmədov Nizami kücəsində yerləşən, ərazisi 700 kv.m olan istilikxananı sənədləşdirərək bacanağına verib: “2010- cu ildə bu yeyintilərə baxmayaraq onu rayon su idarəsinə rəis təyin etdilər. Bundan sonra rayon su üzünə həsrət qaldı. Hər il təmir adı ilə 20-50 min manat vəsait mənimsənildi. Rayonda Qarabag əlilləri üçün nəzərdə tutulan, İsmət Qayıbov kücəsi ev 30 a-da yerləşən 3 otaqli mənzili də Pənah Əhmədov saxta sənədlə özəlləşdirdi”.
Müraciətdə qeyd olunur ki, mənzilin qanuni sahibinin olmasına baxmayaraq P.Əhmədov həmin mənzili özəlləşdirib: “Bu və digər faktlar barədə dəfələrlə müvafiq qurumlara müraciət edilib, ancaq hələ də heç bir nəticə yoxdur”.