Vəkil Əlayif Həsənov sentyabrın 15-də Bakı İstintaq Təcridxanasında Sülh və Demokratiya İnstitutunun rəhbəri Leyla Yunusa baş çəkib. 

“Media forum” saytına danışan vəkil deyib ki, Leyla Yunus işgəncələrdən şikayətlənib: “Onun kamerasına əvvəllər məhkum olunmuş, siqaret çəkən bir qadın salıblar. Leyla xanım düşünür ki, bu qəsdlə edilir. Kamerada saxlanan Nuriyyə Hüseynovanın Leyla xanıma qarşı kobud davranışı davam edir. Leyla Yunus şəkərli diabetdən əziyyət çəkir. Hazırda soyuqlaması da var, amma ona gərəkli tibbi xidmət göstərilmir”.

Leyla Yunus iyulun 30-da həbs edilib. Onun həyat yoldaşı, Sülh və Demokratiya İnstitutunun eksperti Arif Yunus isə avqustun 5-də tutulub. Onlar dövlətə xəyanətdə və maliyyə cinayətlərində ittiham olunurlar.