Sərnişin avtobusunun qatarla toqquşması nəticəsində ölənlərin sayı 2 nəfər olub.

“Qafqazinfo”nun məlumatına görə, DİN-in yaydığı rəsmi açıqlamada qeyd edilir ki, oktyabrın 1-də saat 14 radələrində Xəzər rayonunun Binə qəsəbəsi ərazisində qəsəbə sakini, əvvəllər məhkum olunmuş Əlixan Şirəliyev idarə etdiyi “Daewoo” markalı 160 saylı xətt avtobusunu qorunan keçiddə hərəkətdə olan elektrovoza vurub. Nəticədə sürücü və 42 sərnişini xəstəxanaya yerləşdirilib, onlardan Şakir Əliyev və Yusif Dadaşzadə orada ölub.

Nəqliyyatda Baş Polis İdarəsi tərəfindən araşdırma aparılır.