26 yaşlı jurnalist Mariya Soledad Fernandes oyunun keçirildiyi San-Paulu şəhərindən Belu-Orizontiyə qayıdarkən qəzaya düşərək həlak olub.

 

Milli.Az ABC-yə istinadən bildirir ki, insident Minas-Jeyras ştatındakı Oliveyra bələdiyyəsinin ərazisində, BR-381 trasının 169-cu kilometrində baş verib.

"Titi" ləqəbi ilə tanınan argentinalı Mariya Soledad Fernandes kirayəyə götürdüyü avtomobili idarə edirdi.

 

Toqquşma nəticəsində o, yolun kənarına düşərək aldığı zərbədən həlak olub. Jurnalistlər - 42 yaşlı Xuan Daniel Berazeqeti və 41 yaşlı Fernando Xavyer Bruno isə yaralanıblar.

 

"Titi" Argentinanın ən məşhur idman jurnalistlərindən biri Migel Titi Fernandesin qızıdır.

 

"Mariya Soledad Fernandesin faciəli ölümündən çox kədərləndiyimi bildirirəm. Bütün komanda şokdadır. Mariyanın ailəsinə və dostlarına dərin hüznlə başsağlığı verirəm", - Argentina yığması və İspaniyanın "Barselona" klubunun ulduzu Lionel Messi Facebook-dakı səhifəsində yazıb.

 

Polisdən verilən ilkin məlumata görə, Mariyanın həlak olması ilə nəticələnən qəzanın səbəbkarları jurnalistin idarə etdiyi maşında olmuş iki şəxsdir.