Dünən Sabunçu rayonu ərazisində faciəvi şəkildə həyatını itirən şəxsin adı məlum olub. 

“Mediatv.az” xəbər verir ki, Rayon Polis İdarəsindən Milli.Az-a verilən məlumata görə, Şəhər şossesində “VAZ-2107” markalı avtomobilin vuraraq öldürdüyü piyada 18 yaşlı Araz Əliyevdir.

Faktla bağlı cinayət işi başlanıb. Qəzaya səbəb kimi avtomobilin həddindən artıq sürətlə idarə olunması göstərilir. 

Xatırladaq ki,  Zabrat yolunda VAZ-2107 markalı avtomobil gənc oğlanı vurub.

Hadisə yerinə təcili yardım maşını çağırılıb. Lakin təcili yardım gələndə artıq gec idi: gənc aldığı zərbədən keçinmişdi.

Şahidlərin dediklərinə görə, zərbə gənci avtomobildən bir neçə metr kənara atıb.

Gənci maşın vurandan az sonra onun mobil telefonuna atası zəng edibmiş. Şahidlər faciə barədə gəncin atasına məlumat vermək istəsələr də, buna nail olmayıblar. VAZ-2107 aldığı zərbədən tanınmaz hala düşüb. Qəzada həlak olmuş gəncin qollarında və ayaqlarında ağır sınıqlar olduğu vurğulanır.