Lerik rayonunun Zərdələrə kəndində aprelin 20-də keçirilən yas mərasimində qidadan zəhərlənmə hadisəsi baş verib. Həmin mərasimdə qidadan zəhərlənməsi ehtimal olunan 11 nəfər kənd sakini zəhərlənmə diaqnozu ilə aprelin 21-də gecə saatlarında Lerik Rayon Mərkəzi Xəstəxanasına gətirilib və onlara ilkin tibbi yardım göstərilib. 

Zəhərlənənlər arasında 3 azyaşlı uşaq da olub. Xəstəxananın baş həkimi Mübariz Ağayevin verdiyi məlumata görə, həmin gün digər xəstələrin yerindəcə yoxlanılması üçün kəndə epidemioloq, infeksionist və pediatrdan ibarət həkim briqadası göndərilib. Xəstəxanaya müraciət edən xəstələrin halında ağırlaşma müşahidə olunmadığından tibbi yardımdan sonra onlar evə buraxılıblar. 

Qidadan götürülən nümunələr ekspertiza üçün Respublika Gigeyina Epidemologiya Mərkəzinə göndərilib. Zəhərlənməyə ilkin səbəb kimi yas mərasimi üçün Masallıdan alındığı deyilən toyuq ətinin boyat olması göstərilir