“Nobel prospektində asfaltın çökməsinə kanalizasiya kollektorundan suyun sızamsı səbəb olub”. Bunu ANS PRESS-ə “Azəryolservis”in mətbuat xidmətinin Pünhan Mürsəliyev deyib. Onun sözlərinə görə, prospektin çökən hissəsinin altından kanalizasiya kollektoru keçir. Kollektordan su sızması baş verib. Nəticədə yolun əsas örtüyünü və torpaq qatını yuyub aparıb. Bu isə prospektdə dərin çuxurun yaranmasına səbəb olub. 

Pünhan Mürsəliyevin sözlərinə görə, hazırda prospektdə yaranmış problemin aradan qldırılması istiqamətində işlər gedir

Bakıda yol çöküb. Hadisə Nobel prospektində baş verib. 

ANS PRESS-in hadisə yerində olan əməkdaşının verdiyi məlumata görə, Nobel prospekti 64 ünvanında, yəni şəhər istiqamətinə gələn yolda nəqliyyat vasitələrinin hərəkət etdiyi yolda çökmə baş verib. Asfaltın çökməsi nəticəsində prospektdə hərəkət dayanıb, böyük tıxac yaranıb. 

ANS PRESS əməkdaşının məlumatına görə, asfaltın çökən hissəsinin dərinliyi təxminən 20 metrdir.

Hadisəni diqqətdə saxlayırıq.