Müsavat Partiyasının keçmiş üzvü Əlövsət Sadıxlının və oğlu Elgiz Sadıqov dünən səhər saatlarında həbs edilməsi barədə xəbər vermişdik. 

Bu gün Sabunçu rayon məhkəməsində Əlövsət Sadıxlıya qarşı polisə müqavimət göstərmək ittihamı irəli sürərək mühakimə edilib. Onun barəsində ya inzibati cəza, ya da həbs qətimkan tədbiri seçilməli idi. Bu gün verilən qərara görə, Əlövsət Sadıqlı bəraət alaraq, azadlığa buraxılıb.

“Mediatv.az”ın musavat.com-a istinadən məlumatına görə, onun oğlu, Elgiz Sadıqovun məhkəmə prosesi davam etdirilir.

Qeyd edək ki, müxalifət fəalının oğlu Elgiz Sadıqova qarşı da narkotik maddə saxlama ittihamı irəli sürülüb. Sabunçu Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Elgiz Sadıqovdan 5,32 qram marixuana götürülüb: “Ona məxsus “Mercedes” markalı avtomobilə baxış zamanı isə əlavə 1 kiloqram 505 qram  marixuana aşkar edilərək götürülüb”. 

Sadıxlılar hesab edirlər ki, onlara qarşı bu addımların səbəbi ailənin Almaniyada yaşayan böyük oğlu Tural Sadıxlının siyasi fəaliyyətidir.