"Saat 3:30-a (Bakı vaxtı ilə 4:30-red.) olan vəziyyətə görə, Minskdə danışıqlar davam edir. Yeddi saat komandalarla işləmişik. İndi dörd lider formatında (müşavirsiz). Ətraflı nəsə demək hələ tezdir. Düşünürəm ki, bizim hələ 5-6 saatlıq işimiz var. Ən azı. Amma qeyd-şərtsiz atəşkəs haqqında razılaşma olmadan, hesab edirəm, buradan getmək olmaz", - deyə məlumatda bildirilir.

Qapalı qapılar arxasında keçirildiyindən, görüşün təfsilatları barədə başqa və dəqiq heç bir məlumat yoxdur.

Xatırladaq ki, fevralın 11-də Minskdə Ukrayna üzrə “Normand formatı”nda danışıqlar başlayıb. Ukrayna prezidenti Pyotr Poroşenko, Rusiya prezidenti Vladimir Putin, Fransa prezidenti Fransua Olland və Almaniyanın federal kansleri Angela Merkel sülh planının müzakirəsi üçün Belarus paytaxtına gəliblər .