Goranboy Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayonun Goran qəsəbəsi ərazisində narkotik vasitələrin qanunsuz dövriyyəsi ilə məşğul olmaqda şübhəli bilinən Bakı şəhər sakini Xürrəmin Həsənov saxlanılıb.
DİN-in Mətbuat Xidmətinin Gəncə regional qrupundan Mediatv.az-a verilən məlumata görə, onun üzərindən narkotik maddə olan külli miqdarda heroin aşkar edilərək götürülüb.
Goranboy polisinin daha bir əməliyyatı ilə isə Boluslu kəndində olub. Aparılan əməliyyat-axtarış tədbirləri nəticəsində Boluslu kənd sakini, əvvəllər məhkum olunmuş Məmməd Əlövsət oğlu Əliyevin yaşadığı evin həyətində əkdiyi və aqrotexniki qaydada qulluq etdiyi külli miqdarda çətənə kolları aşkar edilərək götürülüb.
Hər iki faktla bağlı Goranboy RPŞ-də araşdırma aparılır.шаблоны для dle 11.2