Xəbər verdiyimiz kimi, Ukrayna Prezidenti Volodimir Zelenski ölkənin Təhlükəsizlik Xidmətinin rəhbəri İvan Bakanovu vəzifəsindən uzaqlaşdırıb.

Mediatv.az “Ukrainskaya pravda”ya istinadən xəbər verir ki, Zelenski bu məsələ ilə bağlı daha bir sərəncam imzalayıb.

Belə ki, sərəncama əsasən, Bakanovun müavini Vasiliy Malyuk müvəqqəti olaraq Təhlükəsizlik Xidmətinin rəhbərinin səlahiyyətlərini icra edəcək.  

Xatırladaq ki, Volodimir Zelenski Bakanov ilə yanaşı ölkənin Baş prokuroru irina Venediktovanı da vəzifəsindən kənarlaşdırıb. Bunun ardınca, Zelenskinin Ofisinin rəhbərinin müavini Andrey Smirnov açıqlama yayaraq bildirib ki, Venediktova və Bakanov mediada qeyd olunduğu kimi, istefaya göndərilməyib. Onun sözlərinə görə, hər iki şəxs araşdırılma aparılması üçün müvəqqəti olaraq işindən kənarlaşdırılıb.