“Müharibəni dayandırmaq üçün Ukrayna Prezidenti Volodimir Zelenski ilə Rusiya Prezidenti Vladimir Putin arasında danışıqlar lazımdır”.

Mediatv.az xəbər verir ki, bunu Ukrayna Prezident Ofisinin rəhbərinin müşaviri Mixaylo Podolyak deyib.

“Biz ilk növbədə döyüş qabiliyyətimizi sübut etməliyik. Və artıq bunu etmişik. Həm də Rusiyanı inandırmaq lazımdır ki, o, təkcə iqtisadi mənada deyil, həm də döyüş meydanında çox şey itərəcək. Beləliklə, danışıqlar masası arxasında mövqeyimizi müdafiə etmək daha asan olacaq. Çünki biz hücum edən yox, hücuma məruz qalan tərəfik”, - o bildirib.

Qeyd edək ki, Ukrayna lideri Volodimir Zelenski də bir neçə dəfə V.Putinlə görüşə hazır olduğunu bildirib. Onun fikrincə, müharibəni dayandıra biləcək yeganə qüvvə V.Putindir.шаблоны для dle 11.2