Misir və İsrail Yaxın Şərqə sülh gətirmək məqsədilə bir sıra çoxtərəfli görüşlər keçirmək barədə razılığa gəliblər.

Razılıqla bağlı Misir Prezidenti Əbdülfəttah əs-Sisi ilə İsrailin Baş naziri Yair Lapid arasında keçirilən danışıqlardan sonra məlum olub.

“Sülh danışıqlarını aktivləşdirmək üçün qarşıdakı dövrdə Misir, İsrail və Fələstin rəhbərlərinin iştirakı ilə ikitərəfli və çoxtərəfli görüşlərin keçirilməsi qərara alınıb”, - deyə məlumatda bildirilir.

Qeyd olunur ki, Qahirə iki dövlətin (İsrail və Fələstin) mövcudluğu ilə bağlı məsələlərin həlli və BMT qətnamələri əsasında ədalətli sülhün əldə olunmasının tərəfdarıdır.

Lapid öz növbəsində bildirib ki, İsrail 1967-ci il müharibəsi zamanı həlak olan və Qüdsdə dəfn edilən misirli əsgərlərin kütləvi məzarları haqqında mediada yer alan məlumatlarla bağlı tam araşdırma aparacaq.шаблоны для dle 11.2