Rusiya gəmilərinin ələ keçirilmiş ərazilərdə ukraynalı fermerlərdən oğurladıqları taxıl Suriyaya göndərilib.

Mediatv.az xəbər verir ki, bu barədə “Röyters” Ukraynanın Beyrutdakı səfirliyinə istinadən məlumat yayıb. Bildirilir ki, Rusiya artıq 100 min ton buğdanı Suriyaya göndərib.  

Yük mayın sonunda Suriyanın əsas dəniz limanı Latakiyada dayanan Rusiyanın "Matros Pozınıç" gəmisi ilə çatdırılıb. 

Mayın 29-da Planet Labs PBC-nin peyk şəkilləri gəminin Latakiyada yanaşdığını göstərib.

“Onlar Ukraynanın üç rayonundan bir partiyaya buğda toplayan müəssisədən buğda oğurlayırlar Bu, cinayət işidir”, - səfirliyin məlumatında deyilir.