Sanksiyalar Rusiyanın Ukraynaya təcavüzündən sonra rus milyarderlərinə dəbdəbəli yaxtalar, daşınmaz əmlak və digər aktivlərdə  təxminən 10 milyard avroya başa gəlib.

Mediatv.az xarici KİV-ə istinadən xəbər verir ki, Rusiyanın Ukraynaya təcavüzü başlayandan bəri Aİ bir sıra rus oliqarxlarını Kremllə sıx əlaqələrdə ittiham olunduğu üçün sanksiya siyahısına salıb.

Artıq aprel ayına kimi 29,5 milyard avronun dondurulduğu təxmin edilir ki, bunun da təxminən 6,7 milyard avrosu oliqarxların aktivlərinin payına düşüb. Buna Rusiya Mərkəzi Bankının dondurulmuş aktivləri də əlavə edilib.

Qeyd olunur ki, Avropa Komissiyası dondurulmuş Rusiya pullarının müsadirə edilməsinə və sonradan Ukraynanın xeyrinə istifadə edilməsinə icazə verən qanunvericilik təklifi təqdim etmək istəyir.

Almaniyanın maliyyə naziri Kristian Lindner bildirib ki, ölkəsi müsadirə edilmiş Rusiya aktivlərinin Ukraynanın bərpası üçün istifadə edilməsi ilə bağlı müzakirələrə açıqdır, lakin mərkəzi bank və özəl fondlar kimi dövlət fondları arasında fərq qoyulmalıdır.шаблоны для dle 11.2