“Rusiya nümayəndə heyəti Ukrayna tərəfi ilə danışıqlarda tez və mənalı işləməyə daha çox hazır olduğunu nümayiş etdirir”.

Mediatv.az “RİA Novosti”yə istinadən xəbər verir ki, bu barədə Rusiya Prezidentinin mətbuat katibi Dmitri Peskov bildirib.

“Danışıqlarda irəliləyişin dərəcəsi yəqin ki, arzuolunan deyil və vəziyyətin inkişaf dinamikasının tələb etdiyi kimi deyil”, - deyə o əlavə edib.

Xatırladaq ki, Rusiya və Ukrayna nümayəndə heyətləri arasında danışıqların birinci raundu fevralın 28-də Belarusun Qomel vilayətində keçirilib, görüş beş saat davam edib. Tərəflər daha sonra martın 3-ü Belovejskaya Puşçada və martın 7-si isə Brest vilayətində görüşüblər.

Hazırda danışıqlar videobağlantı vasitəsilə gündəlik formatda aparılır.

Martın 10-da isə Antalyada keçirilən diplomatik forum çərçivəsində Rusiya və Ukrayna xarici işlər nazirləri Sergey Lavrovla Dmitri Kuleba arasında görüş keçirilib.