Türkiyə-İran sərhədində 1 il 5 aydır ki, bağlı olan “Kapıköy” sərhəd- keçid məntəqəsi tamamilə açılır.

Mediatv.az Türkiyə KİV-nə istinadən xəbər verir ki, koronavirus pandemiyası səbəbindən bağlı olan məntəqə son günlər İrandan Türkiyəyə keçid üçün açılsa da, Türkiyədən İrana keçid tam olaraq açılmamışdı.

İranın Qərbi Azərbaycan vilayətinin valisi Məhəmməd Mehdi Şəhriyarinin sözlərinə görə, bütün keçidlər oktyabrın 8-dən etibarən açılacaq.

“Cümə günü Qərbi Azərbaycan vilayətinin bütün sərhəd məntəqələri açılacaq. Bütün qapılarımızı cümə günü açacağıq və giriş-çıxışlar asanlıqla həyata keçiriləcək”, - deyə Şəhriyari qeyd edib.