“Dünən Kabildə baş verən terror aktını qınayır və Əfqanıstan xalqına başsağlığı veririk”.

Mediatv.az xəbər verir ki, bunu Türkiyə Prezidenti Rəcəb Tayyib Ərdoğan Bosniya və Herseqovinaya səfərindən əvvəl jurnalistlərin suallarını cavablandırarkən deyib.

Onun sözlərinə görə, bu hücum Əfqanıstanda təhlükəsizliyin nə dərəcədə vacib olduğunu göstərib.

Ərdoğan, həmçinin qeyd edib ki, hazırda Türkiyə vətəndaşlarının Əfqanıstandan təxliyyəsi davam edir.

“Əfqanıstandan geri dönmək istəyən vətəndaşlarımızla bağlı lazımi planlar diqqətlə hazırlanıb və geri qayıtmaq istəyən vətəndaşlar artıq ölkəmizə qayıdırlar”, - deyə Ərdoğan bildirib.

O vurğulayıb ki, Türkiyə Silahlı Qüvvələrinin personalının da təxliyyəsi davam edir və ümumilikdə təxliyyə prosesi tezliklə başa çatdırılacaq.