BMT daha 120 nəfəri Əfqanıstandan təxliyyə edərək Qazaxıstana aparıb.

Mediatv.az xəbər verir ki, bu barədə məlumatı BMT-nin Baş katibinin rəsmi nümayəndəsi Stefan Düjarrik açıqlayıb.

Məlumata əsasən, BMT-nin təxliyyə etdiyi şəxslər təşkilatın əməkdaşları və Əfqanıstanda təşkilatla əməkdaşlıq edən qeyri-hökumət təşkilatlarının nümayəndələridir. 

Qeyd olunur ki, bu son həftə ərzində BMT-nin həyata keçirdiyi ikinci belə əməliyyatdır. 

Onun sözlərinə görə, BMT diqqətini minlərlə əməkdaşının və müttəfiqlərinin təhlükəsizliyini təmin etməyə yönəldib və köməyə ehtiyacı olan milyonlarla əfqana kritik vacib humanitar və digər yardımların çatdırılması üzərində işləyir. 

Qeyd edək ki, keçən həftə BMT-nin təqribən 100 əməkdaşı distant formada işinə davam etmək üçün Kabildən Almatı şəhərinə uçub.