“Hansı tədbirləri görməyimizdən asılı olmayaraq, təəssüf ki, yaxın ətrafımızda bu qədər yayılmış bir virusdan qorunmaq mümkün olmadı”.
Mediatv.az xəbər verir ki, bu barədə Türkiyə Prezidenti Rəcəb Tayyib Ərdoğan AK Partinin parlamentdə keçirilən qrup toplantısında bildirib.
“Müayinələr nəticəsində Avropadan gələn vətəndaşlarımızdan birində koronavirus aşkarlanıb. Vəziyyəti yaxşı olan bu vətəndaşın müalicəsi hələ də davam edir. Hazırda ailəsi və yaxın dostları nəzarət altındadır",- deyə Prezident söyləyib.
Ərdoğan, həmçinin vətəndaşların tibb işçilərinin göstərişlərinə riayət etməli olduğunu və bu məsələdə gigiyenik qaydaların vacibliyini vurğulayıb: "Bu virusdan qorunmağın ilk şərti təmizlikdir. Təmizliyin imandan gəldiyinə inanan bir dinin mənsubu kimi millətimiz üçün məsələnin ən asan hissəsi bu olmalıdır".
Xatırladaq ki, martın 11-i Türkiyədə koronavirusa ilk yoluxma faktı qeydə alınıb. Xəstənin Avropa səfərindən qayıdan Türkiyə vətəndaşı olduğu müəyyənləşib.шаблоны для dle 11.2