Hindistanın paytaxtı Yeni-Dehlidə vətəndaşlıq haqqında qanuna edilən dəyişikliyin səbəb olduğu etirazların ikinci dalğasında ölənlərin sayı 53-ə çatıb.
Mediatv.az Hindistin KİV-nə istinadən xəbər verir ki, paytaxtın şimal-şərqində etirazlar zamanı baş verən şiddətli toqquşmalarda 51 mülki şəxs, bir polis və bir kəşfiyyatçı həyatını itirib. Polis rəsmiləri etirazlarla əlaqədar 1820 nəfərin saxlanıldığını açıqlayıb. Bununla da 2019-cu ilin dekabrından etibarən davam edən aksiyalarda ümumilikdə həyatını itirən mülki şəxslərin sayı 79-a çatıb.
Xatırladaq ki, etirazlara səbəb qanunda edilən dəyişikliklərdə müsəlmanlara qarşı yol verilən ayrıseçkilik olub. Belə ki, yeni qanuna əsasən müsəlmanlar istisna olmaqla, qonşu ölkələrdən qanunsuz yolla gəlmiş miqrantlar sadələşdirilmiş qaydada vətəndaşlıq ala biləcəklər. Bu qərar müsəlman əhali tərəfindən qəzəblə qarşılanıb.шаблоны для dle 11.2