Dövlət başçısı qeyd edib ki, mənfi yüklü xəbərlərin əsas mənbəyi rolunda məhz məmurlar çıxış edirlər.

“Qazaxıstanda bütün şayiələri əsasən dövlət qulluqçuları yayırlar. Məqsədləri odur ki, hamı bu haqda bilsin. Məmurlar kompüterin arxasında oturub bir-birləri ilə ağızlarına gələn anlaşılmaz şeylər barədə danışırlar. Belə məmurları “iş başında” tutmaq, cəzalandırmaq və işdən qovmaq lazımdır. Bizim buna hər cür imkanlarımız var” - deyə “Novosti Kazaxstan” N.Nazarbayev hökumətin Astanada keçirilən iclasındakı çıxışından sitat gətirir.

Virtualaz.org saytı xatırladır ki, bundan az əvvəl Qazaxıstanda Cinayət Məcəlləsinə dəyişiklik edilib. Həmin dəyişikliyə görə, şayiə yaymağa görə cəzalar sərtləşdirilib və bunu edən şəxsi 12 ilədək müddətinə həbs cəzası gözləyir.