Türkiyə İsrailin atəşkəs razılaşmasını pozaraq Livana hava hücumlarını pisləyir.
Mediatv.az  xəbər verir ki, bu barədə Türkiyə Xarici İşlər Nazirliyinin bəyanatında bildirilib.
“Bu hücumlar İsrailin beynəlxalq hüquqa məhəl qoymadığını, regionun təhlükəsizliyi və sabitliyinə təhdid yaratmağa davam etdiyini bir daha nümayiş etdirir. Beynəlxalq ictimaiyyət İsrailin regionda daimi münaqişə yaratmaq cəhdlərinə qarşı birgə hərəkət etməlidir”, - bəyanatda bildirilib.
Qeyd edək ki, ölkəsinin şimalına raketlər atıldığını əsas gətirərək Livanın cənubuna ardıcıl hava zərbələri endirən İsrail ordusu 4 aydan sonra ilk dəfə paytaxt Beyrutu hədəf alıb.шаблоны для dle 11.2