Mediatv.az “Sputnik Gürcüstan”a istinadən xəbər verir ki, bu barədə məlumatı partiya rəhbəri İrakli Kobaxidze açıqlayıb. 

Buna səbəb isə Zurabişvilinin hökumətin rədd cavabına baxmayaraq avropalı liderlərlə görüş üçün xaricə səfərə yollanması olub. Partiyanın məlumatına görə, Prezidentin bu addımı ölkə Konstitusiyasına ziddir.Xatırladaq ki, Gürcüstan hökuməti ölkə Prezidenti Salome Zurabişviliyə Ukrayna da daxil olmaqla, 9 ölkəyə səfər etməyə icazə verməyib.

Prezidentin avqustun 22-24-ü Ukraynaya, sentyabrın 16-sı İsveçrəyə, sentyabrın 27-29-u Bolqarıstana, oktyabrın 2-3-ü Polşaya, oktyabrın 4-6-sı Belçikaya, oktyabrın 31-dən noyabrın 2-nə qədər Danimarkaya, dekabrın 1-2-si BƏƏ-yə, dekabrın 10-12-si Çexiyaya və dekabrın 18-20-si İsrailə işgüzar səfərlərinə yazılı şəkildə rədd cavabı verilib.

Qeyd olunur ki, Gürcüstan Konstitusiyasına əsasən, Prezident ölkəni xaricdə yalnız hökumətlə razılıq əsasında təmsil edir. Bildirilir ki, ölkənin xarici siyasətini aparmaq hökumətin vəzifəsidir.