“Invest in Azerbaijan” informasiya sistemi yaradıldı - Fərman

Ana səhifə Bizimlə əlaqə

Türkiyə F-16-ları Azərbaycana göndərir

AQTİ-nin “5 ulduz” sertifikatı verdiyi “Chinar” restoranı kimindir?

AQTİ bir ildə obyektlərini üçüncü dəfə təmir etdirir: “Otkat”la məşğul olan şirkət qalib olub

"İlanlı qız" plastik cərraha görə canına qıydı -Xəstəxanalıq oldu

Gənclərimizi “zəhərləyən” “Bizon”u ölkəyə KİM GƏTİRİR...?!

Həm mebel alıb, həm abadlıq işi görür- Turizm Agentliyinin sevimlisi

Estetik-cərrah Rəşad Məmmədovdan şikayət edənlərin sayı artır - VİDEO

Tahir İskəndərov və Elxan Paşayevin şirkəti tender kralına çevrilir

Mirvari Qəhrəmanlı SOCAR rəhbərliyinə ÇAĞIRIŞ ETDİ - "Diqqətlə oxuyun!"

Gündəm / Slayd (Bu gün, 16:47)
“Invest in Azerbaijan” informasiya sistemi yaradıldı - Fərman

İnvestisiya fəaliyyətinin həyata keçirilməsi ilə bağlı investorlara göstərilən xidmətlərin rəqəmsallaşdırılmasını və “bir pəncərə” prinsipi əsasında təqdim olunmasını təmin etmək məqsədilə “Invest in Azerbaijan” informasiya sistemi yaradılıb.
Mediatv.az xəbər verir ki, Prezident İlham Əliyev bu barədə Fərman imzalayıb.
“Invest in Azerbaijan” informasiya sistemi haqqında Əsasnamə” təsdiq edilib.
Fərmana əsasən, Nazirlər Kabineti bu Fərmandan irəli gələn məsələləri həll etməlidir.
Fərmanla müəyyən edilib ki, “Invest in Azerbaijan” informasiya sistemi (bundan sonra – Sistem) investorlar tərəfindən elektron qaydada müraciətlərin təqdim edilməsini, habelə Azərbaycanda investisiya fəaliyyətinin həyata keçirilməsi üçün zəruri olan bütün məlumatların, o cümlədən investisiya mühiti, investisiya layihələri, mövcud tələblər, imtiyaz və güzəştlər barədə məlumatların əldə olunmasını təmin edir. Sistemin sahibi funksiyalarını İqtisadiyyat Nazirliyi, operatoru funksiyalarını isə İqtisadiyyat Nazirliyinin tabeliyində Azərbaycan Respublikasının İxracın və İnvestisiyaların Təşviqi Agentliyi – AZPROMO həyata keçirir.
Fərmana əsasən, İqtisadiyyat Nazirliyi sistemin formalaşdırılması, aparılması, fəaliyyətinin təşkili və inkişaf etdirilməsi üçün zəruri tədbirlər görməli, Rəqəmsal İnkişaf və Nəqliyyat Nazirliyi ilə birlikdə Sistemin Azərbaycan Prezidentinin 2019-cu il 3 iyun tarixli 718 nömrəli Fərmanı ilə təsdiq edilmiş “Hökumət buludu” (G-cloud) Konsepsiyası”na uyğun olaraq “Hökumət buludu”nda yerləşdirilməsi, aparılması və təkmilləşdirilməsi, habelə Sistemin “Dövlət informasiya ehtiyatlarının, sistemlərinin və elektron xidmətlərin vahid reyestri”nə və fərdi məlumatların informasiya sistemlərinin dövlət reyestrinə daxil edilməsi üçün tədbirlər görməli, Rəqəmsal İnkişaf və Nəqliyyat Nazirliyi və Xüsusi Rabitə və İnformasiya Təhlükəsizliyi Dövlət Xidməti, bu Fərmanın 2-ci hissəsi nəzərə alınmaqla, “Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları”nın təsdiq edilməsi və elektron hökumətlə bağlı bəzi tədbirlər haqqında” Azərbaycan Prezidentinin 2018-ci il 12 sentyabr tarixli 263 nömrəli Fərmanının tələblərindən irəli gələn tədbirlərin həyata keçirilməsini təmin etməlidir.