Mediatv.az lenta.ru-ya istinadən məlumat verir ki,  İtaliyanın keçmiş baş naziri Silvio Berluskoni sonuncu yoldaşı, deputat Marta Faşinaya miras olaraq yüz milyon avro qoyub. Bu barədə Corriere della Sera məlumat yayıb.
Berluskoninin vəsiyyəti iyulun 5-də varislərinə oxunub. Vəsiyyətnamənin içərisində uşaqlar üçün əl ilə yazılmış və “Hamınıza sevgi ilə, atanıza təşəkkür edirəm” sözləri yazılmış şəxsi məktub var idi.
Berluskoninin Fininvest holdinqinin böyük hissəsi (53 faiz) onun ilk evliliyindən olan övladları Marina və Pierre Silvio-ya keçib. Qalanları - ikinci evlilikdən olan uşaqlara, Barbara, Eleanora və Luici arasında bölüşdürülüb.
Corriere della Sera vurğulayır ki, bacı və qardaşlardan heç biri holdinq üzərində tək nəzarəti ələ keçirməyib.
Vəsiyyətnamə həmçinin Berluskoninin kiçik qardaşı Paolo üçün yüz milyon avro və siyasətçinin müttəfiqi Marçello Dell'Utri üçün 30 milyon avro təmin edir.
Silvio Berluskoni 12 iyun 2023-cü ildə Milanda xəstəxanada vəfat edib. Onun 86 yaşı var idi.
Aprelin əvvəlində Berluskoninin leykoz xəstəliyinə tutulduğu və kimyaterapiya aldığı bildirilirdi.

Hazırladı: Səadət Sultanшаблоны для dle 11.2