Kiyevin Dneprovski rayon məhkəməsi əvvəllər Kiyevdə hava hücumundan müdafiə sisteminin işini əks etdirən videonu dərc etdiyinə görə saxlanılan müğənni İnna Voronovanı bir il şərti cəzaya məhkum edib. Bu barədə TASS yerli nəşrlərə istinadən xəbər verir.
Eyni zamanda müğənninin vəkili müdafiə tərəfinin bu məhkəmə qərarından razı qaldığını və ondan apellyasiya şikayəti verməyəcəyini bildirib. İstintaq zamanı Voronova da günahını etiraf edib və istintaqla əməkdaşlığa razılaşıb.
2022-ci ilin əvvəlində Ukraynada hərbçilərin, habelə partlayışların və hadisələrin koordinatlarının izlənilə bilən hər hansı hərbi hərəkətlərin çəkilişinə qadağa qoyuldu. Bu cür videoların yayımlanması şəriklik və dövlətə xəyanət kimi qiymətləndirilə bilər. Mayın 31-də  hava hücumundan müdafiə əməliyyatının videosunu dərc edən Voronovadan başqa daha iki bloggerə qarşı ittiham irəli sürüb. Eyni zamanda, Kiyev polisi analoji ittihamla daha 9 nəfərin həbs olunduğunu bildirib.
Bundan əvvəl Ukraynada könüllü birləşmə adı altında insanlara hücum edən naməlum şəxslər saxlanılıb.шаблоны для dle 11.2