globallookpress.com-a istinadən məlumat verir ki, iqlim dəyişikliyinə görə aclıq riski altında olan insanların sayı bu əsrin ortalarına qədər 80 milyon arta bilər. Bu barədə bazar ertəsi BMT-nin İnsan Haqları üzrə Ali Komissarı Volker Türk dünya ictimaiyyətini “yaşıl iqtisadiyyat”a doğru hərəkət etmək, o cümlədən qalıq yanacaqlardan tədricən imtina etmək üçün tədbirlər görməyə çağırıb.

BMT İnsan Hüquqları Şurasının Cenevrədə keçirilən 53-cü sessiyasında iqlim dəyişikliyinin insanlara mənfi təsirinin müzakirəsi zamanı o, xatırladıb ki, 2000-ci ildən 2023-cü ilə qədər “qlobal miqyasda iqlim amilləri ilə bağlı təbii fəlakətlərin sayı və daşqınlar 134% artıb”.
"2021-ci ildə 828 milyondan çox insan aclıqla üzləşir. İqlim dəyişikliyinin bu əsrin ortalarına qədər daha 80 milyon insanı aclıq təhlükəsi ilə üz-üzə qoyacağı proqnozlaşdırılır ki, bu da həqiqətən dəhşətli çarəsizlik və ehtiyac miqyası yaradacaq".
Hazırda ekstremal hava hadisələrinin ərzaq təhlükəsizliyinə ciddi təsiri ən çox Saharadan cənub-şərqi Afrika, Asiya, kiçik ada dövlətləri, Mərkəzi və Cənubi Amerikada hiss olunur.
"Qlobal istiləşmə sürətləndikcə, bu təsirlər daha da geniş vüsət alacaq və şiddətlənəcək. Heç bir ölkə bundan xilas olmayacaq", - BMT-nin Ali Komissarı bu barədə xəbərdarlıq edib.
Onun fikrincə, vəziyyətin daha da pisləşməsinin qarşısını almaq üçün “qalıq yanacaq sənayesinin mənasız subsidiyasından əl çəkmək” və “qalıq yanacaqların mərhələli şəkildə dayandırılmasına” başlamaq lazımdır.  BMT-nin İqlim Dəyişikliyi üzrə Çərçivə Konvensiyasının Tərəflərinin 28-ci Konfransı dünya ictimaiyyətinin fəaliyyəti üçün “həlledici dönüş nöqtəsi” olmalıdır. Bununla əlaqədar olaraq o, “beynəlxalq inkişaf və maliyyə institutlarını iqlimlə bağlı fəaliyyətin hərəkətverici qüvvəsinə çevirməyə çağırıb ki, ən çox təsirlənən ölkələr və insanlar iqlim maliyyəsinə çıxış əldə etsinlər”. Bundan əlavə, "yaxşı idarəçiliyi saxlamaq üçün tədbirlər görülməlidir ki, maliyyə vəsaiti mövcud olduqda, ən çox təsirlənən insanlara dəstək və çarələr təqdim etsin." Bu halda, "milli və qlobal səviyyədə yaşıl iqtisadiyyata ədalətli keçid ola bilər", - deyə BMT-nin Ali Komissarı yekunlaşdırıb.шаблоны для dle 11.2