"Bütün dünyada hətta orta-ağır şiddətli xəstələri də evdə müalicə edirlər. Amma biz orta-ağır və onun üzəri bütün risk qrupları - 45 yaş üzərində olan bütün risk qruplarını xəstəxanaya gətirəcəyik, 45 yaşı altında, simpotomu zəif olanlar, riski olmayanlar evdə özünü izolyasiya şəraitində müalicə olunacaq".
Mediatv.az xəbər verir ki, bunu TƏBİB-in İdarə Heyətinin sədri Ramin Bayramlı deyib. Qurum rəhbəri bildirib ki, poliklinikalarımızda xüsusi elektron ambulator kartlar tərtib olunub:
"Bütün poliklinikalarımıza xüsusi alqoritm verilib. Onlar gündə iki dəfə, müxtəlif vaxtlarda zəng edəcəklər, alqoritmə görə suallar ünvanlayacaqlar və həmin suallara verilən cavablar əsasən, qrafiklər üzərində bizim xəstələrin xəstəliyinin gedişatı barədə məlumatımız olacaq. İki həftə müddətində onlar simptomsuz şəkildə evdə davam etdirəcəklər".шаблоны для dle 11.2