Rusiya - Azərbaycan sərhədində 1000 nəfərə qədər Azərbaycan vətəndaşı toplaşıb. Koronavirus pandemiyasına görə sərhəd keçidləri bağlı olduğundan onlar ölkəyə qayıda bilmirlər. Qeyd edək ki, həm Rusiya, həm də Azərbaycan bütün sərhədlərini ətraf ölkələr üçün bağlayıb. Yalnız yüklərin daşınması həyata keçirilir.
Sərhəd qapılarına toplaşan azərbaycanlılar isə günlərdir burada qaldıqlarını, uşaqların, xəstə və yaşlıların ciddi məhrumiyyətə düçar olduqlarını bildirlər. Sosial şəbəkələr vasitəsi ilə Rusiya və Azərbaycan rəhbərliyinə müracət edən vətəndaşlar onlara təcili kömək göstərilməsini xahiş edirlər.
Qeyd edək ki, hazırda Rusiya koronavirusun ən sürətli yayılan ölkələrdən bidiridir. Rəsmi statistik məlumatlara görə, yoluxma sayı 100 min nəfəri aşıb, ölənlər də günü-gündən artır. Azərbaycanda qeydə alınmış koronavirus xəstələrinin bir qismi vaxtı ilə bu ölkədən gələnlər təşkil edib. Onlar ölkəyə keçdikdən sonra 14 günlük karantinə alınıb, testlər aparılıb.
Sosial şbəkələrdə yayılan məlumatlara görə Rusiyada virusdan həyatını itirənlər arasında azərbaycanlılar da var. Onların cənazələrinin ölkəyə gətirlməsi hazırki vəziyyətə görə mümkün olmur.
Onu da xatırladaq ki, Özbəkistanda da xeyli sayda Azərbaycan vətəndaşı qalıb, eyni səbədən onların da ölkəyə qayıdışı mümkün olmayıb. Sosial şəbəkələr vasitəsi ilə ölkə rəhbərliyinə müraciət edən şəxslər kömək və maddi yardım istəyiblər.
Mediatv.az-ın əldə etdiyi məlumata görə, Azərbaycan bu prbemi həll etmək üçün çarter reysi təklif etsə də, Özbəkistan hakimiyyəti razılaşmayıb. Həmin reyslə Azərbaycanda qalan Özbəkistan vətəndaşları öz ölkələrinə aparılmalı, geri dönərkən Azərbaycan vətəndaşlarını qaytarmalı idi.
Xatırladaq ki, hökumət tərəfindən xaricdə qalan vətəndaşların müəyyən edilməsi üçün "evəgedirəm.az" portalı istifadəyə verilib, vətəndaşlardan həmin saytda qeydiyyatdan keçmək xahiş olunur. Eyni zamanda səfirliklər vasitəsi ilə onlara maddi yardımlar edilib.шаблоны для dle 11.2