Azərbaycanda ötən il qanunsuz orqan transplantasiyası faktı aşkarlanmayıb.

Mediatv.az  Trend-ə istinadən bildirir ki, bu barədə İnsan Alverinə Qarşı Mübarizə Baş İdarəsinin əməkdaşı, polis polkovnik-leytenantı Ramil Kazımov bildirib.

O qeyd edib ki, təmsil etdiyi qurum bu məsələ ilə bağlı sosial şəbəkələr üzərində də monitorinq aparır:

"Bununla bağlı mütəmadi monitorinqlər aparılır. Bu barədə bizim idarəyə 1 müraciət daxil olmuşdu. Lakin araşdırma aparılandan sonra təsdiqini tapmadığı üçün işə xitam verildi".

R.Kazımov deyib ki, Azərbaycanda əsasən bu tip cinayətlərə rast gəlinmir.