Bu sözləri Axar.az-a açıqlamasında prezidentin keçmiş müşaviri politoloq Qabil Hüseynli deyib. O, Əli İnsanovun əfv edilmə ehtimalının olduğunu bildirib: "Zənnimcə, Prezident İlham Əliyevin Əli İnsanovu bağışlaması məntiqə uyğundur. Çünki 2005-ci ildə həbs edilənlərin böyük əksəriyyəti buraxılıb. Yüksək vəzifəli şəxslərdən həbsdə qalan bircə Əli İnsanovdur. Onun həbsi ilə bağlı Avropa İnsan Haqları Məhkəməsinin etirazı var.

 Bir sözlə, Əli İnsanovun ətrafında elə vəziyyət yaradıblar ki, onun azad edilməsinə imkan olsun. Hətta 28 May günü əfv siyahısına Əli İnsanovun da adı düşə bilər. Belə bir versiya səsləndirirlər ki, o, azad olunandan sonra xaricə gedəcək... Məncə, bunların hamısı jurnalist fantaziyasının məhsuludur. Yenə deyirəm, bu yaxınlarda Əli İnsanov həbsdən buraxıla bilər”.