“Azərbaycanda çirkli pulların yuyulması, kənara vəsaitin çıxarılması ilə əlaqədar Azərbaycan Mərkəzi Bankı və digər dövlət orqanları çox ciddi işlər aparır”.

Mediatv.az:   Bunu Modern.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov deyib. Deputat bildirib ki, Azərbaycanda “Çirkli pulların yuyulması haqqında”qanun olduğu üçün Mərkəzi Bankın tərkibində monitorinq orqanı da yaradılıb.

“Mən hesab edirəm ki, bunun effekti var və olacaq da. Milli Məclisin sədri bu qanunun üzərində iş aparılması üçün tapşırıq da verib. Prezident Administrasiyası və İqtisadiyyat Nazirliyi bu qanun üzərində iş aparır. Hələ ki, bu qanun layihəsi Milli Məclisə daxil olmayıb. Biz çox istəyərdik ki, “Çirkli pulların yuyulması haqqında”qanun qəbul olunsun”.